Кызыл хоорайда Аныяк көрүкчүнүң театры “Алдарлыг улусчу чогаадылга коллективи” деп хүндүлүг атка төлептиг болганын @tmgnews17 дыңнадып тур.
Аныяк театрның коллективинге хүндүлүг атты Россияның Культура яамызының 2020 чылдың декабрь 7-де үнген дужаалы-биле тывыскан.
Театр 1964 чылда тургустунган, режиссеру РФ-тиң культуразының алдарлыг ажылдакчызы Айлана Чадамба.
Аныяк чогаадыкчы коллектив дыка хөй театр фестивальдарының киржикчизи. Россияның регионнарынга, Украинага, Литвага дээш өске-даа чурттарга гастрольдап, фестивальдарга киржип четкен. Ооң репертуарында – тыва болгаш орус дылдарда делегейниң чоннарының тоолдары.
Аныяк көрүкчүнүң театрының төөгүзү байлак, солун, ооң дыка хөй доозукчулары Россияның, Израильдиң, Италияның хоорайларында ажылдап турар.
