2021 чылда бирги классчыларны школаже киир бижидериниң чурумун узаткан дээрзин ТР-ниң Өөредилге болгаш эртем яамызы @tmgnews17 дыңнаткан.
Ниити билиг өөредилге албан черлеринче уругларны киирериниң чурумун РФ-тиң Чырыдыышкын яамызы доктааткан. Чурттап турар чериниң аайы-биле быжыглаттынган (киир бижидилгелиг) уругларны бирги классче киирер билдириишкинни апрель 1-ден июнь 30-ге чедир узаткан. Быжыглаттынган девискээринде чурттавайн турар уругларның билдириишкиннерин июль 6-дан, хостуг олуттар доларга чедир, сентябрь 5-ке чедир хүлээр.
Эге школаже уругну 6 хар 6 айдан тура хүлээр. Уругну оон эрте азы орай өөредир күзелдиг ада-иелер бар болза, бижимел билдириишкинни киирер.
Школаже киирер билдириишкинни ада-ие боттары школага баргаш азы почта таварыштыр чагыглыг чагаа-биле, азы өөредилге албан чериниң электроннуг почтазынче, чок болза школаның сайтызын таварыштыр дужаап болур.
