Россияның Президентизиниң киирген саналы-биле бүгү Россияга эге школаның өөреникчилерин изиг чем хандырар талазы-биле айтырыг Чаа-Хөл кожуунда база чедиишкинниг боттанып эгелээн.
Бо хүннерде Чаа-Хөл, Булуң-Терек, Ак-Дуруг болгаш Шанчы сумуларында 1-4 класстарның өөреникчилери—485 оолдар, уругларны изиг чем-биле хандырып турар.
Оон аңгыда, ол-ла үстүнде ады кирген школаларда кадыының байдалы кызыгаарлыг өөреникчилерни, а ол дээрге шупту 97 кижини база чемгерип эгелээн.
Эрткен 2021 чылдың октябрьда, Тыва Республиканың Өөредилге яамызының шугуму-биле аъш-чем кылыр өрээлдерни дериг-херекселдер-биле четчелээн, ол ышкаш 2 электри күжү-биле ажылдаар плиталарны база садып берген.
Мерген Ондар.
