Новости

Чиңгис Сат — Баян-Дугайның идегели

142
folder_openНовости
commentКомментариев нет

Чөөн-Хемчик кожууннуң Бажың-Алаак ортумак школазының баазазынга 5 – 11 класстарның өөреникчилери болгаш аныяктар аразынга бүгү-ле санитарлыг негелделерни сагып тургаш, хаактыг чаржырынга (лыжа) маргылдаазын эрттирген. Аңаа шупту 23 школачылар болгаш 16 аныяктар киришкен.

5-7 класстарның өөреникчилери оолдар аразынга Бажың-Алаак сумузундан Чиңгис Сат чемпионаан, ийиги, үшкү шаңналдыг черлерни Айдың Ооржак болгаш Наадым Саая олар тус-тузунда ээлээннер. Ол-ла хар-назылыг уруглар аразынга бирги черни Хөндергейден Бадма Монгуш чаалап алган, ийиги, үшкү шаңналдарга Ийме сумузундан Есения Ондар болгаш Бажың-Алаактан Алдынай Ховалыг төлептиг болганнар.

8-11 класстарның өөреникчилериниң аразынга Чыраа-Бажы сумузундан Олчаана Шагжы, Бажың-Алаактан Настя Монгуш болгаш Улуг-Хем кожууннуң Арыг-Үзүү сумузундан Айрана Кара-Сал олар тус-тузунда бирги, ийиги база үшкү шаңналдыг черлерже кирген. Оолдар аразынга Бажың-Алаак сумузундан Аяс Сат болгаш Шемиден Найдан Назыты олар бирги, ийиги шаңналдарны чаалап алганнар, а үшкү шаңналга база-ла Бажың-Алаак сумузундан Начын Кара-Сал төлептиг болган.

Аныяктар аразынга бирги, ийиги черлерни Бажың-Алаак сумузундан Сергей Ооржак-биле Ачыты Сат бүзүрелдии-биле чаалап алганнар, Улуг-Хем кожууннуң Арыг-Үзүү сумузундан Айыр-Санаа Соян үшкү шаңналче кирген.

Бо эрткен спортчу адаан-мөөрейге «Баян-Дугайның идегели» деп тускай шаңналга Бажың-Алаак ортумак школазының өөреникчизи Чиңгис Сат төлептиг болган.

Россия чергелиг маргылдааларга шаңналдарны чаалап ап чораан, ам бистиң аравыста чок сураглыг спортчу Даттыг-оол Монгуштуң чоок кижилери, төрелдери болгаш ооң чаңгыс-классчызы, Чадаанада улуг назылыг кижилерниң бажың-интернадының директору Владимир Кара-Монгуш бо санал-оналды киирген болгаш шаңналдарны тыпсып, кол деткикчилер болганнар.

#ЧөөнХемчиккожуун#БажыңАлааксуур#ТМГмедээлер#Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Похожие записи

Похожих записей нет

Добавить комментарий

Ваш адрес email не будет опубликован. Обязательные поля помечены *

Заполните поле
Заполните поле
Пожалуйста, введите корректный адрес email.
Вы должны согласиться с условиями для продолжения

Подписка на журнал Башкы

Популярные записи

Последние новости

Комментируемые

Меню