Тываныӊ күрүне университединиӊ литературлуг музейиниӊ эргелекчизи Мария Амын-ооловна Күжүгет А. С. Пушкин аттыг Национал библиотекага «Бүрү болгаш мен» деп чыынды чогаалдарыныӊ номун белекке берген.
Чыындыда ооӊ мурнунда чырыкче үнмээн «Өре», «Ожук чугаалары» болгаш очулдурган Д. Лондоннуӊ «Киш дугайында тоолчургу чугаалары», В. Голявкинниӊ «Арын-нүүр» болгаш оон-даа өске чогаалдары кирген.
Чогаалчы юбилейлиг чылында номчукчуларга улуг белек кылганынга өөрүп четтиргенивисти илередип, каӊ-кадыкшылды күзевишаан, чогаадыкчы ажыл-ижинге чедиишкиннерни йөрээдивис!
Пушкин аттыг национал библиотеканын медээзи
