Новости

«Чонар-Даш 2022» деп сенаторнуң мөөрейиниң түңнели Кызылдың президентиниң кадет училищезинге эрткен

42
folder_openНовости
commentКомментариев нет

Россия Федерациязының сенатору Дина Оюннуң кииргени саналы-биле Тыва Республиканың ниити билиг албан черлериниң 5-11 класстарының өөреникчилериниң база немелде өөредилге албан черлериниң кижизидикчилериниң аразынга даш чонукчуларының уран чүүлүнүң «Чонар-Даш 2022» деп республика чергелиг уругларның чогаадыкчы мөөрейи Кызылдың президентиниң кадет училищезинге декабрь 16-да эгелээн.

Мөөрейниң байырлыг ажыдыышкынынга Россия Федерациязының сенатору, мөөрейниң эгелекчизи Дина Ивановна Оюн, Тыва Республиканың өөредилге сайыды Ирина Биче-оол, Тыва Республиканың культура сайыды Виктор Чигжит база Кызылдың президентиниң кадет училищезиниң начальниги Уран-Кыс Ондар олар киришкен.

Хемчегниң хүндүлүг аалчылары кылдыр Тываның культуразының алдарлыг ажылдакчызы, хоочун даш чонукчузу Владимир Шомбулович Салчак, Россияның Чурукчулар эвилелиниң кежигүнү, Тываның комсомол шаңналының лауреады, Россияның Чурукчулар ассоциациязының мөңгүн медалының эдилекчизи, Тываның алдарлыг уран чүүл ажылдакчызы Хеймер-оол Донгак, даш чонукчузу, Россияның Чурукчулар эвилелиниң кежигүнү, РФ-тиң алдарлыг чурукчузу Алексей Кагай-оол база коллекционер, меценат, «Восток» КХН-ниң директору Сергей Уюсов оларны чалаан.

Хемчегниң байырлыг ажыдыышкынының шупту киржикчилеринге, уругларның чогаадыкчы коллективтеринге концерт программалыг көргүзүглерни бараалгаткан.

Мөөрейниң түңнелинге Бай-Тайга, Чөөн-Хемчик, Кызыл, Сүт-Хөл, Чаа-Хөл, Улуг-Хем кожууннардан база Кызыл хоорайдан ниитизи-биле 31 өөреникчи киришкен.

Ийи хүн дургузунда, декабрь 16-17, мөөрейниң киржикчилери Тыва Республиканың тергиин даш чонукчузу деп ат дээш уран чүүлүн бараалгадып демисешкен. А ол ышкаш өөреникчилер болгаш оларны үдеп турар башкыларга методиктиг болгаш культурлуг программаларны организастаар.

Мөөрейниң байырлыг хаашкыны болгаш тиилекчилерни шаңнаары бо хүн, декабрь 18-те, Тыва культура төвүнге болган.

По данным Минобразования РТ

Фото Минобразования РТ

Похожие записи

Похожих записей нет

Добавить комментарий

Ваш адрес email не будет опубликован. Обязательные поля помечены *

Заполните поле
Заполните поле
Пожалуйста, введите корректный адрес email.
Вы должны согласиться с условиями для продолжения

Подписка на журнал Башкы

Популярные записи

Последние новости

Комментируемые

Меню