Февраль 15-тен 18-ке чедир Шагаан-Арыгның дугаары 1 школага бүгү санитарлыг дүрүмнерни сагып тургаш «Чылдың башкызы-2022» деп мөөрейниң кожуун чергелиг чадазын эртирерин «Улуг-Хем» солуну дыңнадып турар.
Аңаа «Чылдың башкызы», «Чылдың кижизидикчи башкызы», «Төрээн болгаш орус дыл башкыларының Бүгүроссийжи мастер клазы», «Педагог-психолог», «Чылдың директору», «Тергиин эр башкы» деп номинацияларга шупту 43 башкылар боттарының билиг-мергежилиниң шыырак белеткелдиин бадыткап көргүзер.