Тываның Чазак Дар¬га¬зының оралакчызы Елена Хардикова Каа-Хем кожуунга ажылчын сургакчылаашкын-биле четкен. Ол Кундустуг, Копту-Аксы, Сарыг-Сеп сумуларының школа болгаш клубтарын хынап көрген.
Елена Хардикова өөредилге черлериниң өөредилге-кижизидилге чорулгазының организастаанын, көдээ клубтарның аныяктарга болгаш уругларга хостуг үезиниң ажыл-чорудулгазын хынаан.
Оралакчы дарга Сарыг-Септе Тываның агротехнологиялар техникумунга чедип, чоокта чаа тургускан тараа болбаазырадыр дээрбениң ажылын көрген.
Техникумнуң найыралдыг ажылдакчыларының ачызында дээрбени ажылчын байдалче киирип, сургуулдарга практика кырынга тарааны болбаазырадыр арганы берген. Олар Сарыг-Сеп, Дерзиг-Аксы, Бүрен-Аксы сумуларының бюджет албан черлеринче амданныг хлебти чедирип турар.
Техникумда 325 сургуул өөренип турар. Хөй-ниити чуртталга бажыңында 20 уруг, 12 оол бар.
ТМГ агентилелиниң медээзи (по информации ИА ТМГ)
Чуруктар интернеттен алдынган
