Падма, Орлана бичии дуңмазы Ээлдек Самагалдайның 1 дугаар школазының өөреникчилери. Олар үе-черге болгаш аразында найыралдыг, шупту чүвени деңге кылыр, бот-боттарынга дыка ынак угбашкылар-дыр. Үжелээ чайгы дыштанылга үезинде культура бажыңында Развивайка аттыг түр када ажыттынган дыштанылга төвүнде «Золотая нить» бөлгүмүнче барып турганнар. Бөлгүмнүң башкызы И.С. Седип-оолдуң удуртулгазы-биле аңгы-аңгы аппликацияларны, чараш сыргаларны болгаш ойнаарактарны кылып өөренип алганнар. Олар авазының болгаш кырган-авазының кежээ дузалакчылары, келир үеде чоргааралдары.
