Республиканың юстиция сайыдының бирги оралакчызы Буян Ховалыг яамының мурнундан Бии-Хем кожууннуң куратору. Ол “Школаже чыгдынарынга дузалаш!” деп акцияга катчып, ажы-төлүн чааскаан азырап өстүрүп, өөредип чоруур иениң школачы уруг-дарыынга дузаны чедирген. Бо өг-бүлениң школага өөренир үш ажы-төлүнге кыдырааштар, идик-хеп, портфельдерни бажыңынга аппарып берген.
Аваның беш ажы-төлүнүң бирээзи студент, үжү школа назы-харлыг, улуг оглу ажылдап турар. Буян Солун-оолович аваның ажы-төлү болгаш боду-биле чугаалажып, берге байдалдыг өг-бүлелерге дузалаар талазы-биле төлевилелдерге болгаш программаларга киржип турарын сонуургаан.
Бо чылын хөй ажы-төлдүг ие ногаа аймааның үрезиннерин алган, “Социал картофель” болгаш “Социал хөмүр-даш” губернатор төлевилелдеринге киржип, бажыңының чанында ногааны болгаш картофелди тарып өстүрүп турар болган. Өг-бүлениң амыдыралынга деткимчени көргүзүп, күрүнеден социал дуза алыр талазы-биле болгаш өске-даа юридиктиг айтырыгларга дузаны (херек апаар болза) көргүзерин Буян Ховалыг аазаан.
