Чеди-Хөл кожууннуң Ак-Тал школазында Украинага тускай шериг операциязының үезинде дайынчы албан-хүлээлгезин эрес-дидими-биле күүседип тургаш, амы-тынындан маадырлыы-биле чарылган улуг прапорщик Артыш Байыр-оолдуң чырык адын тураскаал бижиктиг самбырага болгаш “Маадырның партазынга” мөңгежиткен.
Маадырның чырык адын мөңгежидер хемчегге Тыва Республиканың Дээди Хуралының Даргазы Кан-Оол Даваа киришкен.
– Чаа тураскаал партага школаның эң эки өөредилгелиг, корум-чурумнуг өөреникчилери баштай олурар дээрзинде чигзиниг чок. Улуг прапорщик Артыш Байыр-оолдуң маадырлыг чоруун утпайн, ооң дугайында ада-чуртчу кичээлдерни эрттирип, ооң үлегеринге аныяктарны өстүрээлиңер – деп, депутат соцчеткилерде бижээн.
Эрес-дидим, төрээн чуртунуң мурнунга берген даңгыраанга болгаш албан-хүлээлгезинге шынчызын бадыткап, тайбың дээш амы-тынындан чарылган маадырлар балалбас изин арттырып кааннар. Оларны кым-даа, кажан-даа утпас, бистиң чүректеривиске кезээ мөңгеде артар.
#Дээдихурал #Чеди_хөлкожуун #Ак_тал #Маадырныңпартазы #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
ИА ТМГ
Фото из открытых источников
