Масленица байырлалының бүдүүзүнде Кызыл кожууннуң Өг-бүлеге болгаш уругларга социал дуза чедирер төвүнүң ажылдакчылары блинылар мөөрейин эрттирген. Социал ачы-дуза алыкчылары аңгы-аңгы чемчилиг блиныларны белеткеп кылган.
Блины – хүннүң демдээ. Ынчангаш Масленица байырлалында хөй блины чиирге, чыл дуругузунда аас-кежиктиг болгаш бай-шыдалдыг болур деп православ чон санап турар.
