Республикада автомашиналарның санының көвүдээни-биле орук-транспорт айыыл-халавы база көвүдеп турар. Орук озал-ондаанга уруглар кемдеп, харын-даа амы-тынындан чарлып турар таварылгалар эвээш эвес.
Кызылдың Өг-бүлеге болгаш уругларга социал дуза чедирер төвүнүң ажылдакчылары биче бөлүктүң уругларынга орук шимчээшкиннериниң дүрүмнерин база хөй-ниити транспортунга шын, чурумнуг алдынарының культуразынга өөредиглиг кичээлди эрттирген.
Ук албан чериниң ажылдакчылары оюн хевиринге орук шимчээшкиннериниң дүрүмнерин өөреткен. Школа назыны четпээн уруглар орук шимчээшкиннериниң киржикчилери болуп, билиглерин быжыглаан
