Уругларга хой дүгүн дыдып, ээрерин өөреткен

Таңды кожуунда Уругларга болгаш өг-бүлеге дуза чедирер төп 28 чыл бурунгаар, 1994 чылда ажыттынган. Ниитизи-биле 9 хире чаштар болгаш назы четпээннерге көрдүнген Хоргаадал чериниң кижизидикчи башкылары Снежана Монгуш болгаш Бадын-оол Айсулана өг-бүлезинде берге байдалга таварышкан уругларга дузалажып, амыдыралга чаңчыктырып ажылдап турар. Ылаңгыя кышкы, соок үелерде уругларның саны көвүдей бээрин башкылар чугаалаар. Бо хүннерде 2 кыс, 4 оол шупту алды кижи мында келген. Ынчалза-даа 2 уруг аарый берген болгаш эмнелгеде чыдар. Ынчангаш арткан 4 оолдар башкылары-биле Шагаа байырлалын уткуп, дүрген чугаа болгаш үлегер домактар мөөрейи дээш өске-даа тыва национал оюннарга киришкен. Эң солун көргүзүг, мастер-класс хой дүгүн тыдып, оон чүң ээрери болган. Адак сөөлүнде арыг харга тоннарын, курткаларын кактап, артыжаныр езулалдарга уругларны өөреткен.